ՌԴ-ում սպանությունների մեջ կասկածվող ադրբեջանցի գործարարը ապաստան է ստացել Չեռնոգորիայում
Ադրբեջանցի գործարար Թելման Իսմայիլովը ապաստան է ստացել Չեռնոգորիայում: Այս մասին հայտնում են ռուսական լրատվամիջոցները՝ հղում կատարելով նրա փաստաբանին։
Ռուսաստանի խնդրանքով Չեռնոգորիայում ձերբակալված գործարար Թելման Իսմայիլովը մեղադրվում է սպանությունների և առևանգումների մեջ: Որոշ տեղեկություններով՝ Չերկիզյան շուկայի նախկին սեփականատեր Թելման Իսմայիլովը, ում դեմ միջազգային հետախուզում էր հայտարարված, կարող է մասնակից լինել հայտնի էստրադային կատարող Աբրահամ Ռուսսոյի դեմ իրականացված մահափորձին:
Իսմայիլովին քրեական հետապնդման համար Ռուսաստանի Դաշնություն արտահանձնելու հայցը հոկտեմբերի 7-ին դիվանագիտական ուղիներով ուղարկվել է Չեռնոգորիայի արդարադատության, մարդու եւ փոքրամասնությունների իրավունքների նախարարությանը:
