Կանխվել են «ռուսախոս հաքերների» ֆիշինգային հարձակումները YouTube բլոգերների դեմ. Google

Google- ը կանխել է «ռուսախոս հաքերների» կողմից կազմակերպված ֆիշինգային հարձակումները YouTube բլոգերների դեմ: Այս մասին գրում է РБК-ն՝ հղում տալով ընկերության բլոգին: 
 

Ըստ հրապարակման՝ հարձակումներն իրականացվել են մի խումբ հաքերների կողմից, որոնք հավաքագրվել են «ռուսալեզու ֆորումում»: Նրանք իրենց հավանական զոհերին հրապուրել են  էլեկտրոնային փոստով գործող ընկերությունների անունից ուղարկված համագործակցության կեղծ առաջարկներով: 

Ինչպես նշել է Google- ը, շատ բլոգերներ իրենց էլեկտրոնային հասցեները տեղադրում են անմիջապես յութուբյան ալիքում: Ուղարկված կեղ հաղորդագրություններում եղել են հղումներ, որոնք ակտիվացնում են վնասակար ծրագրակազմի աշխատանքը: Երբ օգտվողն անցնում է հղումով, հաքերները գողանում են վերջիններիս տվյալները, որոնցով էլ կոտրում են նրանց յութուբյան ալիքները: 

Հաղորդվում է, որ ստացված տվյալները հետագայում վաճառվել են կամ էլ օգտագործվել կրիպտոարժույթներով մեքենայություններ իրականացնելու համար: