Հյուսիսային Կորեան բալիստիկ հրթիռներ է արձակել Ճապոնական ծով
ԿԺԴՀ-ն երկու հրթիռ է արձակել Ճապոնական ծով: Այս մասին հայտնել է Ճապոնիայի վարչապետ Ֆումիո Կիսիդան: Ինչպես գրում է Коммерсантъ-ը, վերջինս նշել է, որ խոսքը ենթադրաբար բալիստիկ հրթիռների մասին է:
Ճապոնիան բողոք է հայտնել ԿԺԴՀ-ի դեմ: Հնարավոր վնասների կամ վիրավորների մասին տեղեկություններ չկան:
Միևնույն ժամանակ, Հարավային Կորեայի զինված ուժերի միացյալ հրամանատարությունը հայտնել է մեկ արկի արձակման մասին:
