ԱՄՆ-ն չի մասնակցի Աֆղանստանի հարցով հանդիպմանը Մոսկվայում. Պետդեպ
ԱՄՆ Պետքարտուղարությունը հայտնել է, որ երկիրը չի մասնակցի Աֆղանստանի հարցով մոսկովյան հանդիպմանը: Այս մասին գրում է Интерфакс-ը:
Ըստ ԱՄՆ Պետդեպի խոսնակ Նեդ Փրայսի՝ ԱՄՆ -ն այժմ «այն իրավիճակում չէ» նման հանդիպմանը մասնակցելու համար: Նա հավելել է, որ դա պայմանավորված է Վաշինգտոնի համար «լոգիստիկ դժվարություններով»:
Պետքարտուղարության ներկայացուցիչը միաժամանակ նշել է, որ քննարկումների նման ձևաչափը ` Ռուսաստանի, Չինաստանի, ԱՄՆ -ի և Պակիստանի մասնակցությամբ, «արդյունավետ և կառուցողական» է, և ԱՄՆ -ը պատրաստ է մասնակցել նման ֆորումի ապագայում:
