Ալբերտ Հովհաննիսյանին «Արցախի հերոս» կոչում է շնորհվել

44-օրյա պատերազմում զոհված Ալբերտ Հովհաննիսյանին «Արցախի հերոս» բարձրագույն կոչում է շնորհվել։

«Ալբե՛րտս, տղե՛ս, որպես քո հայր՝ քո տեսակով ու քեզնով հպարտանալու հազար առիթ եմ ունեցել: Այժմ քեզ շնորհվել է «Արցախի հերոս» բարձրագույն կոչումը և այն փաստող «Ոսկե Արծիվ» շքանշանը հանձնվել է ինձ:

Կրկին անգամ հպարտ եմ ու շնորհակալ, որ օրհնված եմ եղել քո հայրը լինելով, բայց, միևնույն ժամանակ, պատժված եմ՝ քո ֆիզիկական ներկայությունից զրկված ապրելով:

Շնորհավո՛ր, իմ հերոս ու հրետանավոր որդի»,-ֆեյսբուքյան իր էջում գրել է Ալբերտի հայրը՝ Արտակ Հովհաննիսյանը։