Ոստիկանները պատ կազմեցին․ ինչ է կատարվում կառավարության շենքի մոտ

Արցախից տեղահանվածները հերթական անգամ կառավարության շենքի մոտ են ու բողոքի ակցիա են իրականացնում։ Նրանք կրկին բարձրաձայնում են բնակարանների խնդրի մասին, ասում՝ անտուն են մնացել, իսկ Արցախ վերադառնալ ոչ բոլորն են ուզում,քանի որ պնդում են՝ Արցախում անվտանգ չէ, չեն ուզում նորից տուն կառուցել, հետո հանկարծ կրկին կորցնել այն։

Նշենք ,որ շաբաթ առաջ Արցախից տեղահանվածները կրկին այստեղ էին, որից հետո շարժվել էին Ֆրանսիայի դեսպանատուն։ Նրանց խոսքով՝ եթե ՀՀ ու ԱՀ կառավարությունները չլուծեն իրենց խնդիրը, պատրաստ են օգնություն խնդրել օտար երկրներից։