Գլխավոր շտաբի պետի տեղակալ Ստեփան Գալստյանը կկալանավորվի՞
«Հրապարակը» գրել էր, որ այսօր ձերբակալվել է Գլխավոր շտաբի պետի տեղակալ Ստեփան Գալստյանին: Նա օրերս ԱԱԾ-ում հարցաքննվել էր զենքի հայտնի գործով։
Վաղը ժամը՝ 12:00-ին Երևանի ընդհանուր իրավասության դատարանում տեղի կունենա Ստեփան Գալստյանի նկատմամբ կալանավորումը որպես խափանման միջոց ընտրելու մասին միջնորդության քննարկումը՝ դատավոր Կարեն Ֆարխոյանի նախագահությամբ:
Հիշեցնենք, որ ԱԱԾ-ում հարուցվել է քրեական գործ, որը վերաբերում է 2011 թվականին իրականացված զենք-զինամթերի տենդերին, եւ որի շրջանակներում ձերբակալվել է ռազմական ավիացիայի նախկին պետ Ավետիք Մուրադյանը։ Կլալնավորվել են պաշտպանության նախկին նախարար Դավիթ Տոնոյանն ու զենքի մատակարար Դավիթ Գալստյանը (Պատրոն Դավիթը)։
