Պեսկովը հաստատել է․ Էրդողանը կայցելի Ռուսաստան՝ Պուտինի հետ բանակցությունների համար
Ռուսաստանի նախագահի մամուլի քարտուղար Դմիտրի Պեսկովը ՏԱՍՍ-ին հայտնել է, որ Թուրքիայի նախագահ Ռեջեփ Թայիփ Էրդողանի այցը Ռուսաստան նախապատրաստվում է:
Ավելի վաղ Թուրքիայի նախագահի դիվանատանը հայտարարել էին, որ Էրդողանի այցը Ռուսաստան՝ Պուտինի հետ բանակցությունների համար, սպասվում Է սեպտեմբերի 29-ին: Նախատեսվում է, որ նա կմեկնի Սոչի։
«Այցը նախապատրաստվում է», - ասել Է Պեսկովը՝ պատասխանելով հարցին, թե մտադիր է արդյոք Ռուսաստանի նախագահ Վլադիմիր Պուտինը Թուրքիայի իր պաշտոնակցի հետ առերեսվել ՌԴ կատարած այցի ժամանակ:
Երկուշաբթի Պեսկովը լրագրողներին հայտնել է, որ Էրդողանի՝ ՌԴ կատարած այցի ժամանակ կարող է շոշափվել առավել ընդգրկուն օրակարգը՝ երկկողմ հարաբերություններից մինչև Սիրիա և տարածաշրջանային այլ հակամարտություններ։ Իր հերթին Էրդողանը օգոստոսին ասել էր, որ Ռուսաստան պատրաստվող այցի ընթացքում մտադիր է քննարկել այդ թվում Ս-400 զենիթահրթիռային համակարգերի երկրորդ գնդի գնման մանրամասները:
Թուրքիայի նախագահ Ռեջեփ Թայիփ Էրդողանի այցը Ռուսաստան ՌԴ նախագահ Վլադիմիր Պուտինի հետ բանակցությունների համար սպասվում Է սեպտեմբերի 29-ին: Այս մասին երեքշաբթի լրագրողներին հայտնել են Թուրքիայի նախագահի գրասենյակից։
