Հայանպաստ 5 նոր փոփոխություն՝ ԱՄՆ կոնգրեսում․ ինչ հարցեր կքննարկվեն

ԱՄՆ Կոնգրեսը թույլ է տվել քվեարկել Ազգային պաշտպանության օրենքում հայանպաստ 5 փոփոխության համար։  ԱՄՆ Ներկայացուցիչների պալատում լիարժեք քվեարկությունը կսկսվի այսօր երեկոյան:

Փոփոխություններով կոնգրեսականները Բաքվից պահանջում են ազատ արձակել հայ ռազմագերիներին և իրականացնել ռազմական հանցագործությունների հետաքննություն՝ թուրքական անօդաչու թռչող սարքեր ամերիկյան տեխնոլոգիաներով պատրաստված լինելու, արգելված զինամթերք կիրառելու և  օտարերկրյա ահաբեկիչների մարտի դաշտ բերելու վերաբերյալ:

Մյուս փոփոխությամբ պահանջում են 180-օրյա հաշվետվություն Լեռնային Ղարաբաղում ԱՄՆ հումանիտար և զարգացման աջակցության բոլոր ծրագրերի վերաբերյալ, ներառյալ նման ծրագրերի արդյունավետության և ապագա աջակցության ծրագրերի վերլուծություն։ Քննարկամն է դրված նաև Գորշ գայլեր թուրքական խմբավորումը, որպես ահաբեկչական կազմակերպություն ճանաչելու հարցը։ Կքննարկվեն նաև մարդու իրավունքների կրթության բարելավման վերաբերյալ առաջարկություններ և լրացուցիչ միջոցառումներ, որոնցով նախատեսվում է պատժել մարդու իրավունքների լուրջ խախտումները և կոռուպցիան: