Քանի թուրքիայի քաղաքացի է Հայաստանից ապաստան խնդրել վերջին 3 տարում
Վերջին երեք տարում Հայաստանից ապաստան է հայցել 673 օտարերկրյա քաղաքացի, որոնց գերակշիռ մասը Իրանի քաղաքացիներ են։ Այս մասին NEWS.am–ը հայտնում է Միգրացիոն ծառայությունը։
Ըստ աղբյուրի՝ 2018-ի ապաստանի հայցով Հայաստանին դիմել է 218 անձ, որից 57–ը հանդիսացել են Իրանի, 55–ը՝ Իրաքի, 21–ը Սիրիայի, 17–ը՝ Եմենի, 12–ը Աֆղանստանի, 7–ը՝ Թուրքիայի քաղաքացիներ։
2019–ին Հայաստանից ապաստան հայցած 248 անձանցից 107–ը եղել են Իրանի, 37–ը՝ Սիրիայի, 33–ը Կուբայի, 21–ը՝ Իրաքի, իսկ 7–ը՝ Թուրքիայի քաղաքացիներ։
2020–ին Հայաստանից ապաստան հայցած քաղաքացիների թիվը համեմատաբար նվազել է. ՀՀ–ից ապաստան է հայցել 207 անձ, որոնցից 96–ը եղել են Իրանի, 25–ը Սիրիայի, 22–ը Լիբանանի, 10–ը Կուբայի, 6–ը՝ Թուրքիայի քաղաքացիներ։ Նախորդ տարի մեր երկրից ապաստան հայցած Թուրքիայի քաղաքացիներից չորսը եղել են արական, իսկ երկուսը իգական սեռի։ 2018–2020թթ. Հայաստանից ապաստան հայցած Թուրքիայի 20 քաղաքացիներից 8–ը ստացել են փախստականի կարգավիճակ, իսկ 3 քաղաքացու դիմում մերժվել է։
