ԱՄՆ-ն ՄԱԿ-ում հայտարարել է՝ պատրաստ է Իրանի հետ միջուկային գործարքին վերադառնալու հարցը քննարկել
ԱՄՆ-ը պատրաստ է Իրանի հետ միջուկային գործարքին վերադառնալու հարցը քննարկել ՄԱԿ-ի Անվտանգության խորհրդի գործընկերների հետ՝ Նյու Յորքում կայանալիք Գլխավոր ասամբլեայի ժամանակ, հայտարարել է ԱՄՆ Պետդեպարտամենտի միջազգային կազմակերպությունների գործերով բյուրոյի պատասխանատու Էրիկա բարքս Ռագլսը, հայտնում է LA Times-ը:
Պետքարտուղար Էնթոնի Բլինքենը այս հարցով հանդիպումներ կունենա Իրանի արտգործնախարար Հոսեյն Ամիր Աբդուլահիանի հետ: Բլինքենի խոսքով՝ Իրանի հետ միջուկային գործարքի շուրջ բանակցություններին կմասնակցի նաև Գերմանիայի ներկայացուցիչը:
Ռագլսը նաև ասել է, թե Վաշինգտոնը հուսով է շարունակել այս հարցով Թեհրանի հետ երկխոսությունը: Որպես Իրանի և Սպիտակ տան միջև հաղորդակցության հիմնական գործիչ՝ Պետդեպարտամենտի ներկայացուցիչն առանձնացրել է Իրանի հարցով ԱՄՆ հատուկ ներկայացուցիչ Ռոբերտ Մելիին:
