4 կիլոգրամ ոսկի և 2,6 միլիոն դոլար. Վրացի կինը կողոպտել է իրաքցի գործարարին և փախուստի դիմել
Վրացի կինը 4 կիլոգրամ ոսկի և 2,6 միլիոն դոլար է գողացել իրաքցի գործարարից: Այս մասին հայտնում են տեղական լրատվամիջոցները:
Նշվում է, որ միջադեպը տեղի է ունեցել Իրաքյան Քրդստանի Դահուկ քաղաքում: Ոստիկանները գումարի և ոսկու մեծ մասը վերադարձրել են տիրոջը, սակայն կողոպտչին չեն ձերբակալել, քանի որ նա արդեն լքել էր Իրաքյան Քրդստանը:
Ոստիկանները պարզել են, որ վրացի կինը Իբրահիմ Խալիլի սահմանային անցակետով փախել է Թուրքիա և իր հետ տարել 20 հազար դոլար:
Վրացուհու հետ կապի ունենալու պատճառով հետաքննություն է ընթանում 20 կասկածյալի վերաբերյալ, որոնցից երեքն արդեն ձերբակալված են: Տեղական լրատվամիջոցները գրում են, որ սա Դահուկի պատմության մեջ ամենամասշտաբային գողությունն է:
