ԱՄՆ սենատորը ձերբակալվել է մանկապղծության համար

իկյան Արիզոնա նահանգի սենատոր Թոնի Նավարետան ձերբակալվել է մի քանի մեղադրանքով, այդ թվում՝ մանկապղծության համար: Այս մասին հայտնում է Newsweek-ը՝ վկայակոչելով Ֆենիքս քաղաքի ոստիկանությունը: Դեմոկրատի ձերբակալությունը Twitter-ում հաստատել է նաեւ ABC-ի լրագրող Նիկոլ Վալդեսը:

35-ամյա Նավարետան մեղադրվում էր 2019 թվականին անչափահասի նկատմամբ սեռական գործողություններ կատարելու մեջ: Ոստիկանությունը հայտնել է, որ հարցաքննել է տուժողին եւ վկաներին, որից հետո հիմքեր են ստացել քաղաքական գործչի ձերբակալության համար: Գործի մնացած մանրամասները չեն բացահայտվում: Դեմոկրատը բերման է ենթարկվել մի քանի օր անց, երբ նրա մոտ կորոնավիրուսի ախտորոշման թեստի դրական արդյունք է գրանցվել՝ չնայած լիովին պատվաստված լինելուն, փոխանցում է «Լենտա»-ն:

Արիզոնայի սենատորները հայտարարություն էին տարածել Նավարետայի ձերբակալությունից հետո, սակայն՝ մինչ երեխայի նկատմամբ բռնություն գործադրելը: «Մենք գիտենք, որ մեր գործընկերներից մեկը ձերբակալվել է, եւ մենք սպասում ենք հետագա մանրամասներին եւ իրավապահ մարմինների կողմից իրենց աշխատանքի կատարմանը»,- նշել են նրանք: