«Հուսով ենք, որ ոչ ոքի մտքով չի անցնի ստուգել ՀԱՊԿ կայունությունը և ագրեսիվ գործողություններ սկսել դրա որևէ անդամի դեմ». Լավրով

Ռուսաստանի արտգործնախարար Սերգեյ Լավրովը հույս ունի, որ Աֆղանստանում ոչ ոքի մտքով չի անցնի ստուգել ՀԱՊԿ պայմանագրի կայունությունը: Ինչպես հայտնում է «ՌԻԱ Նովոստին», Լավրովող նշել է․ «Հիմա խորհրդակցություններ կլինեն Պակիստանում: Մենք ձգտելու ենք այն ամենին, ինչ ես նշեցի, որ այնտեղ (Աֆղանստանում) խաղաղություն լինի: Իսկ մեր դիրքորոշումը Կենտրոնական Ասիայի հարևանների հետ այն է, որ ՀԱՊԿ շրջանակներում բոլոր պարտավորությունները պետք է մնան ուժի մեջ, և, իհարկե, մենք հուսով ենք, որ ոչ ոքի մտքով չի անցնի ստուգել Հավաքական անվտանգության պայմանագրի կայունությունը և փորձել ագրեսիվ գործողություններ սկսել դրա որևէ անդամի դեմ»։

Բացի այդ, նա նշել է, որ Աֆղանստանում քաղաքական գործընթացի բացակայությունը լրացուցիչ ռիսկեր է ստեղծում:

«Ըստ որոշ գնահատականների, թալիբները վերահսկում են տարածքի 70-80 տոկոսը և հասնում Աֆղանստանի հյուսիսային սահմաններ, որտեղ նրանցից բացի, «օգտագործելով այս վակուումը քաղաքական գործընթացներում, ակտիվորեն հաստատվում են ԻՊ ահաբեկիչներն ու «Ալ Քաիդա»-ի մնացորդները»,- ավելացրել է Լավրովը: