250 հազար դրամ․ ԱԺ-ն երկրորդ ընթերցմամբ և ամբողջությամբ ընդունեց աղմկահարույց նախագիծը
ԱԺ-ն երկրորդ ընթերցմամբ և ամբողջությամբ ընդունեց (71 կողմ, 0 դեմ, 0 ձեռնպահ) իմքայլական պատգամավորներ Վիկտոր Ենգիբարյանի և Նիկոլ Բաղդասարյանի հեղինակած «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում փոփոխություններ կատարելու նախագիծը:
Հիշեցնենք՝ նախագծով առաջարկվում է պատգամավորական ծախսերի համար հատկացվող ամսական գումարը 50 հազար դրամից դարձնել 250 հազար դրամ:
«Հետագա քննարկումները ցույց տվեցին, որ նախագիծը տեղին էր: ՀՀ-ում պետք է ձևավորվի արժեքային մի այնպիսի համակարգ, որտեղ պետական ծառայողները՝ թե՛ աշխատավարձի, թե՛ եկամուտների, թե՛ ծախսերի առումով հույսը դնեն միայն ու միայն պետական բյուջեի վրա»,- ասաց Ենգիբարյանը:
