ՏԵՍԱՆՅՈՒԹ․ Հերթեր հայ-իրանական սահմանին, բազմաթիվ իրանցիներ գալիս են Հայաստան կորոնավիրուսի դեմ անվճար պատվաստվելու
Հերթեր հայ-իրանական սահմանին, բազմաթիվ իրանցիներ գալիս են Հայաստան կորոնավիրուսի դեմ անվճար պատվաստվելու, նման վերնագրերով տեսանյութեր մի քանի օր է ակտիվորեն տարածում են համացանցի իրանցի օգտատերերը։ Թե իրականում, որքան իրանցի է եկել Հայաստան պատվաստվելու նպատակով, հայտնի չէ, այդուհանդերձ, պատկերն ակնհայտ է դառնում Երևանի պատվաստումային շրջիկ կետերին մոտենալիս։
Հյուսիսային պողոտայում տեղակայված ու քովիդի դեմ պատվաստում իրականացնող կայանի մոտ առավոտից հերթեր են։ Իրանի քաղաքացիներն են, որ շտապում են պատվաստվել։ Իրավիճակը պարբերաբար լարվում է, երբ մեկը փորձում է հերթը խախտել։ Խոսում են բոլորը ու միաժամանակ, բայց նույն խնդրի մասին՝ իրենց պատվաստվելու հերթը չի հասնում։
Մինչև վերջերս Հայաստանում անվճար պատվաստվում էին բոլոր զբոսաշրջիկները՝ առանց սահմանափակման։ Հուլիսի 9-ի դրությամբ Հայաստանում պատվաստվել է բնակչության մոտ 3,5 տոկոսը, թե զբոսաշրջիկները ինչ մաս են կազմում, Առողջապահության նախարարությունը առանձին վիճակագրություն չի վարում, բայց հաշվի առնելով օր-օրի մեծացող հոսքը, որոշ սահմանափակումներ դրվեցին։ Դրանցից մեկով զբոսաշրջիկները պատվաստվել կարող են միայն շրջիկ կայաններում՝ այն էլ օրական ոչ ավելի, քան 50 հոգի։ Մեկ այլ նոր որոշման համաձայն՝ օտարերկրյա քաղաքացիները կարող են անվճար պատվաստվել միայն «ԱստրաԶենեկա» պատվաստանյութով։ Անվճար պատվաստման համար օտարերկրացիների համար դրվելու է նաև Հայաստանում առնվազն 10 օր գտնվելու պահանջ։ Մինչ այդ արդեն Հայաստանում գտնվող իրանցիները դժգոհ են պատվաստման տեմպերից։
են բերել պատվաստելու նպատակով:
