Նոր լուսավորության առումով Երևանը համարվում է տարածաշրջանում առաջանցիկ քաղաքներից մեկը
«Այս տարի ամբողջությամբ ավարտվել է նատրիումային լուսատուների փոխարինումը էներգախնայող և արդյունավետ նոր ԼԵԴ լուսատուներով, այս առումով Երևանը համարվում է տարածաշրջանում առաջանցիկ քաղաքներից մեկը։
- 82 փողոցներում փոխարինվել է 12․021 հատ էներգախնայող ԼԵԴ լուսատու,
- Լուսավորվել են շուրջ 35 այգի, բակային տարածքներ, մշակութային հատուկ պահպանվող տարածքներ և համայնքային ենթակառուցվածքներ,
- Լուսավորվել են երևանյան բոլոր արձանները,
- Կապիտալ փոխարինվել է 54 կմ օդային մալուխային ցանց,
- Փոխարինվել է 276 ուժային պահարան,
- Արտաքին լուսավորության ցանցում տեղադրվել է 190 թվային կառավարման մոդուլ,
- Կառուցվել է շուրջ 29 կմ նոր ցանց,
- Երևան քաղաքի վերգետնյա կապի և էլեկտրահաղորդման ցանցի ստորգետնյա կոմունիկացիաների ստեղծման ծրագրի շրջանակում աշխատանքները շարունակվում են Աբովյան և Նալբանդյան փողոցներում: Մալուխներն անցկացվում են գետնի տակ»,- այս մասին տեսանյութ է հրապարակել Երևանի քաղաքապետարանը։
