Կորոնավիրուսի պատվաստումների վիճակագրությունը Հայաստանում. քանի կին և քանի տղամարդ է պատվաստվել
Հայաստանում արդեն 92 հազար 295 հոգի պատվաստվել է կորոնավիրուսի դեմ՝ բնակչության մոտ 3.3 տոկոսը: Այս մասին այսօր ասուլիսի ընթացքում ասաց առողջապահության նախարարի պաշտոնակատար Անահիտ Ավանեսյանը:
Ըստ նախարարության տվյալների՝ կորոնավիրուսային հիվանդության դեմ ամենից շատ պատվաստվել են կանայք, տղամարդիկ համեմատաբար զիջում են: Պատվաստանյութի առաջին դեղաչափը ստացել է կանանց 52,4 տոկոսը, երկրորդ դեղաչափը՝ 52,3 տոկոսը, իսկ տղամարդկանց դեպքում՝ առաջին դեղաչափը ստացել է 47,6 տոկոսը, իսկ երկրորդ դեղաչափը՝ 47,7 տոկոսը:
«Հարցումները ցույց են տալիս, որ կանայք շատ ավելի զգուշորեն են մոտենում պատավստումներին, տղամարդիկ ավելի հակված են պատվաստվելուն մասնակից դառանալուն, բայց մեր թվերը հակառակն են ցույց տալիս՝ կանայք շատ ավելի հակված են պատվաստվելու, դա գուցե կապված է նրա հետ, որ կանայք ավելի հակված են դիմելու բժշկական օգնության»,- ասաց Ավանեսյանը:
Իսկ կորոնավիրուսային հիվանդության դեմ պատվաստման ցուցանիշներով ըստ մարզերի՝ առաջատարը Երևանն է, տոկոսը հաշվում է մարզերի բնակչության թվով:
Հուլիսի 8-ի դրությամբ մարզերում պատվաստման պատկերը հետևյալն է՝
Արագածոտն 3315 հազար, որը կազմում է 2,7 տոկոսը
Արարատ 8482 հազար, որը կազմում է 3,3 տոկոսը
Արմավիր 7050 հազար՝ 2,7 տոկոսը
Գեղարքունիք 7086 հազար, 3,1 տոկոս
Լոռի 7846 հազար, 3,7 տոկոս
Կոտայք 7266 հազար, 2,9 տոկոս
Շիրակ 7815 հազար, 3,4 տոկոս
Սյունիք 7815 հազար, 3,4 տոկոս
Վայոց Ձոր 1160 հազար 2,4 տոկոս
Տավուշ 2412 հազար 2,0 տոկոս
Երևան 47 հազար 693 4,4տոկոս
