Սյունիքում կամ Գեղարքունիքում պարեկներից ոչ պակաս «հագած-կապած» մեր հողում կանգնած է թշնամու զորքը. Վարդան Ոսկանյան
Իրանագետ Վարդան Ոսկանյանը ֆեյսբուքի իր էջում գրել է. «Մի ժամանակ հպարտանում էինք Հանրապետության հրապարակով անցնող հայկական անպարտ բանակի կուռ շարքերով, հիմա՝ նույն վայրում կանգնած ոստիկանության պարեկային ծառայությամբ։
Մեզ, պատկերավոր ասած, Բելգիաներում զգալու պատրանքը չի թողնում վերջնականապես ընկալել, որ ինչ-որ «հեռավոր» Սյունիքում կամ Գեղարքունիքում պարեկներից ոչ պակաս «հագած-կապած» մեր հողում կանգնած է թշնամու զորքը՝ որոշ տեղերում հենց ճամփեզրին, ավելի մոտ տարածության վրա, քան Հրապարակի կենտրոնից մինչև շատրվանն է»։
