ԱՄՆ-ը, Ուկրաինան, Լեհաստանը և Լիտվան խոշոր զորավարժություններ կանցկացնեն
Ուկրաինան, ԱՄՆ-ը, Լեհաստանը եւ Լիտվան հուլիսի վերջին խոշոր զորավարժություններ կանցկացնեն Ուկրաինայի արեւմտյան մասում, հայտարարել են ուկրաինացի զինվորականները:
«Երեք թուր-2021» վարժանքները, որին կմասնակցեն ավելի քան 1200 զինծառայողներ եւ ավելի քան 200 մարտական մեքենաներ, կշարունակվեն հուլիսի 17-30-ը՝ Լվովի մարզի Յավորովյան զորակայանում:
««Երեք թուր-2021»-ը բարենպաստ պայմաններ է ստեղծում գործընկեր պետությունների ստորաբաժանումների զարգացման եւ արդյունավետ փոխգործակցության համար` որակը բարելավելու եւ մարտունակության մակարդակը բարձրացնելու համար»,- ասվում է զինվորականների հայտարարության մեջ, որը մեջբերում է Reuters-ը։
Անցյալ շաբաթ Ուկրաինան եւ ԱՄՆ-ը Սեւ ծովում սկսել էին Sea Breeze զորավարժությունները՝ ավելի քան 30 երկրների մասնակցությամբ:
