Հայ ռազմագերիները պետք է ապահոված լինեին արդար դատաքննության նվազագույն երաշխիքներով. իրավաբան Ռոբերտ Հայրապետյան
Ադրբեջանում ավարտվել է հայ ռազմագերիներւ դատավարությունը: Պատիժը սահմանվել է ազատազրկման ձևով 6 ամսից մինչև 4 տարի ժամկետով:
Իրավաբան Ռոբերտ Հայրապետյանը հայտարարել է՝ Ադրբեջանի իշխանության կողմից հայ ռազմագերիների նկատմամբ մտացածին մեղադրանքների հիման վրա «կայացված մեղադրական դատավճիռներն» ու դրան նախորդած ողջ գործընթացը զուգորդվել է արդար դատաքննության հիմանարար իրավունքի կոպտագույն խախտումներով թե միջազգային իրավունքի և, թե մարդասիրության տեսանկյունից:
«Հայ ռազմագերիները պետք է ապահոված լինեին արդար դատաքննության նվազագույն այնպիսի երաշխիքներով, ինչպիսիք են անմեղության կանխավարկածը, իրեն հասանելի լեզվով անհապաղ ու հանգամանորեն ներկայացված մեղադրանքի տեղյակ լինելը և այլն», - նշել է նա։
Հայրապետյանի դիտարկմամբ՝ ՄԻԵԴ-ի կողմից բազմիցս հաստատված իրավական պարտադիր երաշխիքներն ակնհայտորեն խախտվել և խախտվում են Ադրբեջանի իշխանությունների կողմից։
«Իսկ այդ խախտումները հաստատվում են Հայաստանի քաղաքական ղեկավարության լկտի լռությամբ ու հանցավոր անգործությամբ», - ընդգծել է իրավաբանը։
