Ով է ընտրվել «Լուսավոր Հայաստան» կուսակցության փոխնախագահ

«Հունիսի 28-ին տեղի ունեցած «Լուսավոր Հայաստան» կուսակցության կառավարման և քաղաքական խորհուրդների համատեղ նիստում ընտրվեցի կուսակցության փոխնախագահ»․ Այս մասին Գևորգ Գորգիսյանը նշել է «Ֆեյսբուք»-ի իր էջում։ 
    ««Լուսավոր Հայաստան» կուսակցությունն այսուհետ ևս շարունակելու է բարձրաձայնել մեր հայրենակիցներին հուզող խնդիրները և աշխատելու է լուծումներ գտնելու ուղղությամբ: 
    Հարգելի քաղաքացիներ, ձեզ հետ միասին պայքարելու ենք այնպիսի Հայաստանի կերտման համար, որտեղ պաշտպանված կլինեն ձեր իրավունքները և որտեղ կիշխի օրենքի գերակայությունը: 
    Շնորհակալություն եմ հայտնում կուսակցության կառավարման խորհրդին և թիմակիցներիս՝ այս կարևոր և ծանր պարտականությունն ինձ վստահելու համար»,- նշված է գրառման մեջ։