Արտակ Դավթյանը՝ բանակն ընտրություններում օգտագործելու մեղադրանքների մասին
Ամեն դատարկ բան մեկնաբանելն էլ է դժվար: Այս մասին այսօր՝ հունիսի 22-ին, լրագրողների հետ զրույցում ասաց ՀՀ Զինված ուժերի ԳՇ պետ Արտակ Դավթյանը՝ անդրադառնալով ընդդիմության կողմից հնչող մեղադրանքներին, որ այս ընտրություններում բանակն օգտագործվել է իշխանության կողմից:
«Սովորույթի ուժով ասվում է դա: Այն տեսանյութերը կամ հայտարարությունները, որոնք տարածվել են համացանցում, ուսումնասիրության արդյունքում ՊՆ-ն հանդես եկավ հայտարարությամբ եւ որեւէ հաստատող նյութ մենք չտեսանք: Եթե կան կոնկրետ նյութեր, իրավապահ համակարգը շատ ակտիվ աշխատում է այդ ուղղությամբ, թող փաստերով ներկայացնեն: Միաժամանակ ես իրենց առաջարկում եմ՝ եթե չկարողանան ապացուցել, հաստատել, գոնե ներողություն խնդրեն զինված ուժերից եւ մերկապարանոց հայտարարություններ չհնչեն»,-ասաց ԳՇ պետը:
