ՏԵՍԱՆՅՈՒԹ․ Հնդկաստանում քիմգործարանի հրդեհի հետևանքով առնվազն 18 մարդ զոհվել է, կան անհետ կորածներ
Առնվազն 18 մարդ զոհվել է, մի քանիսն անհետ կորել են հնդկական Պունա քաղաքին կից արդյունաբերական գոտու քիմգործարանում բռնկված հրդեհի պատճառով:
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ն, այս մասին հայտնում է քաղաքի հրշեջ ծառայությունը:
«Այս պահին մենք 14 մարմին ենք գտնել»,-NDTV հեռուստաալիքին հաղորդել է ծառայության ներկայացուցիչը:
Հրդեհի բռնկման ժամանակ ձեռնարկությունում, որն ախտահանող միջոցներ է արտադրել, աշխատել է 37 մարդ: Նրանցից 20-ը փրկվել է: Ըստ նախնական տվյալների՝ հրդեհի պատճառ է դարձել կարճ միացումը: Հրդեհը մարում է ութ հրշեջ մեքենա:
