15:00 Լուրերը մեկ տողով. ԱԺ-ում նոր որոշումներ, վարորդների համար կարևոր փոփոխություն

Անցած ժամվա լուրերը՝ հակիրճ և բովանդակային.

• Ազգային ժողովում քննարկվել է պատգամավորների էթիկայի հարցերով ժամանակավոր հանձնաժողով ստեղծելու հարցը, որի ընթացքում հնչել են նաև քաղաքական փոխադարձ մեղադրանքներ։

• Ազգային ժողովը միաձայն որոշել է ստեղծել պատգամավորների էթիկայի հարցերով 10-անդամ ժամանակավոր հանձնաժողով՝ նախագահի թեկնածու առաջադրելու իրավունքը վերապահելով ՔՊ-ին։

• 9-րդ գումարման Ազգային ժողովի 12 մշտական հանձնաժողովներից 8-ը կղեկավարի ՔՊ-ն, 3-ը՝ «Ուժեղ Հայաստանը», իսկ 1-ը՝ «Հայաստան» խմբակցությունը։

• Գագիկ Ծառուկյանը ՔԿՀ-ից հղած ուղերձում հայտարարել է, որ երկրի զարգացումը պետք է հիմնված լինի արդյունավետ տնտեսական քաղաքականության վրա, իսկ բարեգործությունը՝ նպաստի փոխօգնության մշակույթի ձևավորմանը։

• Հայաստանում առաջարկվում է փոխել ճանապարհային տույժերի բողոքարկման կարգը՝ սահմանելով, որ բողոքարկումը չի կասեցնի տուգանային միավորների, վարորդական իրավունքի կասեցման կամ դրանից զրկելու կիրառումը։

• Վլադիմիր Զելենսկին պնդել է, որ Ռուսաստանում կարող է տեղակայվել մինչև 50 հազար հյուսիսկորեացի և Հարավային Կորեային կոչ է արել ընդլայնել ռազմական համագործակցությունն Ուկրաինայի հետ։

• Սերբիայի նախագահ Ալեքսանդր Վուչիչը հայտարարել է, որ Ռուսաստանը ձգտում է վերահսկողություն հաստատել ամբողջ Դոնբասի նկատմամբ և զգուշացրել ռուս-ուկրաինական պատերազմի հնարավոր ընդլայնման մասին։