Ջո Բայդենը կնոջ 70-ամյակի օրը նրա հետ հեծանվային զբոսանքի է դուրս եկել
ԱՄՆ առաջին տիկին Ջիլ Բայդենը նախօրեին տոնել է իր ծննդյան 70-ամյակը, ինչի կապակցությամբ ամուսնու՝ երկրի նախագահ Ջո Բայդենի հետ մեկնել էր Դելավեր նահանգում գտնվող Ռեհոբոթ Բիչ լողափնյա քաղաք, հայտնում է ABC News հեռուստաալիքը:
Զույգն առաջին տիկնոջ ծննդյան օրը սկսել է հեծանվային զբոսանքով․ ընդ որում, հեծանվավարության ժամանակ մի շարք անցորդներ Ջիլ Բայդենին շնորհավորել են ծննդյան օրվա կապակցությամբ և բարեմաղթանքներ հղել։
Նշենք, որ Ջիլ Բայդենն ԱՄՆ-ի պատմության մեջ ամենատարեց առաջին տիկինն է, սակայն, ինչպես ընդգծում է հեռուստաալիքը, վերջինս չափազանց ակտիվ կենսակերպ է վարում։
