Ո՞վ է կատարում ԱԳ նախարարի պարտականությունները
Հայաստանի արտաքին գործերի նախարարի պարտականությունները կատարում է ամենաերկար պաշտոնավարող տեղակալը: Այս մասին «Արմենպրես»-ի հարցին ի պատասխան հայտնել են ԱԳՆ տեղեկատվության և հանրային դիվանագիտության վարչությունից:
«Օրենքի ուժով նախարարի պարտականությունների կատարումն իրականացվում է ամենաերկար պաշտոնավարող տեղակալի կողմից, ինչը չի ենթադրում առանձին իրավական ակտի ընդունում: Այս պահի դրությամբ ՀՀ ԱԳ բոլոր փոխնախարարները շարունակում են կատարել իրենց պարտականությունները: Մնացածի մասով՝ չենք մեկնաբանում»,- մանրամասնել են ԱԳՆ-ից:
Аuroranews-ը ուսումնասիրելով ԱԳՆ կայքում հրապարակված փոխնախարարների մասին տեղեկատվությունը, հայտնում է, որ նախարարի պարտականությունները կատարում է Արտակ Ապիտոնյան: Վերջինս 2018թ. դեկտեմբերի 28-ի վարչապետի որոշմամբ նշանակվել է արտաքին գործերի նախարարի տեղակալ: Մյուսները նշանակվել են 2019-ը և 2020 թվականներին:
