ԱՀ նախագահի գլխավոր խորհրդականն ազատվել է պաշտոնից
Արթուր Աղաբեկյանը ազատվել է Արցախի նախագահի գլխավոր խորհրդականի պաշտոնից: Այս մասին «Փաստինֆո»-ին տեղեկացրեց Արցախի նախագահի մամուլի խոսնակ Լուսինե Ավանեսյանը:
Ըստ նրա՝ Աղաբեկյանը կշարունակի աշխատել հասարակական հիմունքներով: Արցախի նախագահի մամուլի խոսնակը նշեց, որ այս որոշման պատճառների վերաբերյալ որևէ բան հայտնել չի կարող:
Նշենք, որ Արթուր Աղաբեկյանը նշանակվել է Արցախի նախագահի գլխավոր խորհրդական ՝ 2020 թվականի հունիսի 8-ին: 2000-ից 2007 թվականներին աշխատել Հայաստանի Պաշտպանության նախարարի տեղակալ: Աղաբեկյանը Արցախի հերոս է, նախկինում զբաղեցրել է Արցախի փոխվարչապետի պաշտոնը:
