Հայկ Մարությանը չի լինի ՔՊ ցուցակում․ դա իր անձնական որոշումն է

Ցուցակում չի լինի նաև Երևանի քաղաքապետ Հայկ Մարությանը։ Այս մաին Լիլիթ Մակունցը հայտնել է լրագրողների հետ զրույցում, նշելով՝ «Քաղաքացիական պայմանագիր» կուսակցության ընտրական ցուցակում չեն լինի մի շարք իմքայլականներ։

«Դա էլ իր անձնական որոշումն է»,–ասել է Մակունցը, անդրադառնալով Հայկ Մարությանի որոշմանը։  
 

Ինչ վերաբերում է Մակունցի և Տիգրան Ավինյանի դեսպան նշանակվելու լուրերին` խմբակցության ղեկավարը նշեց, որ Ավինյանի մասով որևէ տեղեկություն չունի, իսկ իր դեպքում արդեն ԱՄՆ-ից հաստատումը կա, սակայն որոշումը կկայացվի ընտրություններից հետո։

Հիշեցնենք, որ ՔՊ ցուցակում չեն լինի Տիգրան Ավինյանի, Նիկոլայ Բաղդասարյանի, Հայկ Մարությանի, Արտակ Մանուկյանի և այլ հայտնի իշխանական ներկայացուցիչների անուններ։