Միջադեպն իրապես եղել է, բայց կա բացակայող շարունակություն. Դանիել Իոնիսյանը` սահմանից տարածված տեսանյութի վերաբերյալ
Դանիել Իոնիսյանը ֆեյսբուքյան իր էջում գրառում է կատարել և անդրադարձել համացանցում տարածված տեսանյութին.
Միջադեպն իրապես եղել է, բայց դրա՝ վիդեոյում բացակայող շարունակությունը մեր օգտին է եղել
Նախ ասեմ, որ միջադեպը, որի մի մասը տեսել եք տարածվող տեսանյուքում, առաջին անգամ իմացա դեռ երկուշաբթի՝ վարդենիսցիներից: Այնուհետև նույն պատմությունը լսեցի Վերին շորժայում ծառայություն իրականացնող տարբեր զինվորներից ու սպաներից: Արդ, տեղեկության իսկության վրա կասկածելու հիմք չունեմ:
Ինչպես գիտեք, երկու կողմից էլ զորքերին արգելվել է առաջինը կրակել: Ադրբեջանական բանակը փորձում է առանց կրակոցի առաջ գալ, մեր բանակը փորձում է առանց կրակոցի դա կասեցնել:
Այդ տարօրինակ պրոցեսի ընթացքում բարձրադիր հատվածներից մեկում ադրբեջանական մի մեծ խումբ «վրա է տվել» մեր զինվորներին, քանակով ոի ուժով խլել զենքերը և ստիպել, որ հեռանան (ինչպես երևում է տեսանյութում):
Ի պատասխան դրա, մեր զորքերը, նույն կերպ, առանց կրակոցի, վրա են տվել ադրբեջանական մի ուրիշ, բայց ավելի մեծ խմբի, խլել զենքերը ու ոչ պակաս ծեծի ենթարկել դիմադրողներին:
Դրանից հետո, հետագա էսկալացիան կանխելու նպատակով, տեղային մակարդակում բանակցություն է եղել, որի ժամանակ փոխանակվել են իրարից խլված զենքերը:
Միջադեպից հետո Հայաստանի տարածքում գտնվող ադրբեջանական զորքերի ոգին բավականին ընկել է, քանի որ իրենց արածի արժանի պատասխանը ստացան:
Ես սա չէի գրեի, եթե ինձ հետ չկապնվեին դիրքերից ու վրթոհված չասեին «մենք մեր պատիվը պահել ենք, դրանք պատասխանը ստացել են, ինչի՞ են մեր մասին սենց բաներ տարածում»:
Հ.Գ. Երեկ ես իմ աչքով էի տեսնում, թե ինչպես են մեր դիրքերին մոտիկ գտնվող ադրբեջանական զինվորները խուսափում նույնիսկ մեր կողմ նայելուց: Երբ մեր զինվորական մեքենան էր անցնում իրենցից ոչ հեռու, ադրբեջանական զինվորները գնում, մի բլրակի հետևն էին մտնում՝ կարծես վախենային ծեծ ուտելուց:
