Լևոն Տեր-Պետրոսյանը հայտարարեց, որ ՀԱԿ–ի վարչության որոշման դեպքում ինքը կգլխավորի ցուցակը
Հայ Ազգային Կոնգրես կուսակցության 3-րդ համագումարի ժամանակ առաջին նախագահ Լևոն Տեր-Պետրոսյանը հայտարարեց, որ ՀԱԿ–ի՝ առաջիկա ընտրություններին մասնակցելու հարցը կորոշի նոր ձևավորվող վարչությունը։
Եթե վարչությունը որոշի, որ ՀԱԿ–ը մասնակցելու է ընտրություններին, ապա կուսակցության ընտրական ցուցակը կգլխավորի ինքը, իր խոսքով ասած․«Եթե վարչությունը որոշի մասնակցել ընտրությունների, ապա ինքնստինքյան հասկանալի է, որ Կոնգրեսի ցուցակը գլխավորելու պարտավորությունը ջարդվելու է իմ գլխին»։
Լեւոն Տեր-Պետրոսյանն ասաց, որ պայքարելու է, թե՛ Փաշինյանի, թե՛ Քոչարյանի դեմ։
ՀԱԿ համագումարի պատվիրակներն այսօր ընտրում են վարչության նոր կազմը, որը բաղկացած է լինելու 35 հոգուց։ Վարչության անդամների թեկնածուները 59-ն է։
