ՀԱՊԿ-ի շրջանակում այս հարցը կլուծենք, բայց պետք է պատրաստ լինենք վատ սցենարների. Հովիկ Աղազարյան
Իհարկե, իշխանությունների կողմից թերացում եղել է, և եթե չլիներ թերացում, ապա մենք այս հարցը այս պահին չէինք քննարկի: Այս մասին ԱԺ արտահերթ նիստի ընթացքում ասաց «Իմ քայլը» խմբակցության պատգամավոր Հովիկ Աղազարյանը՝ անդադառնալով Սյունիքում տիրող իրավիճակին:
«Թերացումներն օբյեկտիվ են, թե սուբյեկտիվ են, դա էլ թողնենք ժամանակի գնահատմանը։ Կան այնպիսի բաներ, որոնք կարելի է ասել թաքուն զրույցներում, բայց այդպես հրապարակավ չենք կարող ասել, քանի որ աշխարհաքաղաքական իրավիճակը այնպիսին է, որ մենք պետք է հասկանանք հնարավոր ինչ զարգացումների սպասել»,- ասաց Հովիկ Աղազարյանը:
Նա նշեց՝ թշնամին նենգ է և խորամանկ, և մեր պատասխանները պետք է լինեն համարժեք:
«Ես վստահ եմ, որ ՀԱՊԿ-ի շրջանակներում այս հարցը լուծելի է, բայց այնուհանդերձ ես գտնում եմ, որ պետք է պատրաստ լինել վատ սցենարների ամեն իմաստով, իսկ այն տարբերակը, որը որդեգրել է կառավարությունը, ճշտագույն տարբերակ է»,- նշեց պատգամավորը:
