Երեկ տեղեկացա, որ Ադրբեջանն իմ, Արման Թաթոյանի, Կարեն Հովհաննիսյանի և Նաիրի Հոխիկյան դեմ քրեական գործ է հարուցել. Սոֆյա Հովսեփյան

Անկախ պատգամավոր Սոֆյա Հովսեփյանը ֆեյսբուքյան իր էջում գրել է․ «Երեկ տեղեկացա, որ Ադրբեջանն իմ, Արման Թաթոյանի, Կարեն Հովհաննիսյանի և Նաիրի Հոխիկյան դեմ քրեական գործ է հարուցել։ Այս մասին տեղեկացրել է Բաքվի ստրատեգիական հետազոտությունների պետական կենտրոնի ավագ մասնագետ Թեմուր Ալիևը, ով նամակ է հղել Նաիրի Հոխիկյանին։ Այս ամենի հետ մեկտեղ մեզ անվանել է «ֆաշիստներ», մեր հայանպաստ գործը որակելով ֆաշիզմ։ Օրեր առաջ նաև ադրբեջանական մամուլում հոդվածներ էին հրապարակում այն մասին, թե ես համագործակցում եմ ամերիկյան կազմակերպության հետ և հակառուսական գործունեություն եմ ծավալում։ Գիտե՞ք, երբ թշնամին ինձ «ֆաշիստ» է անվանում, ես դրանից չեմ նեղվում, քանի որ դա իրական գնահատականն է, որն ապացուցում է մեր նվիրվածությունն ազգին ու պետությանը։ Իրենք հաշվի չեն առել մեկ բան, որ ազգանվեր գործերի համար ես այնքան եմ ներսում քարկոծվել, որ այլևս իրենց քրեական գործը ծիծաղ է առաջացնում ։ Ինձ չեք կաշկանդի ձեր զգուշացումներով, ես շարունակելու եմ նույն ոգով պայքարել ձեր դեմ` հանուն հայ մարդու»։