Նիդերլանդներում ՀՀ դեսպանությունը՝ հայ կնոջ դանակահարության վերաբերյալ լուրերի մասին

Նիդերլանդներում ՀՀ դեսպանությունից հայտնում են, որ օրեր առաջ սոցիալական ցանցերում և մի շարք լրատվամիջոցներով տարածված տեղեկատվությունը՝ Նիդերլանդներում հայ կնոջ դանակահարության մասին, իրականությանը չի համապատասխանում։

«Դեսպանությունը ստացել է Նիդերլանդների իրավապահ մարմինների պաշտոնական պատասխանը, ըստ որի՝ Աննա Հակոբյան անունով անձի նկատմամբ որևիցե ոտնձգության դեպք չի գրանցվել, ուստի, նման միջադեպ տեղի չի ունեցել»,-նշված է հայտարարության մեջ։

Հիշեցնենք, որ ավելի վաղ տեղեկություններ էր տարածվել, թե Նիդերլանդներում ադրբեջանցիները դանակով հարձակվել են հայ կնոջ վրա՝ վերջինիս ազգային պատկանելության պատճառով: