Հիմա հասկանում ենք, որ դա հեղաշրջում էր. Արթուր Վանեցյանը՝ 2018թ հեղափոխության մասին

Երբ ես նշանակվել եմ ԱԱԾ տնօրեն, դա սովորական նշանակում չէր, այն ժամանակ, հեղափոխություն էր տեղի ունեցել, հիմա հասկանում ենք, որ դա հեղաշրջում էր, այն ժամանակ մենք վատ բարքեր ունեցող կառույցի հետ էինք ասոցացվում ու մենք խնդիր ունեինք կարծրատիպ կոտրելու խնդիր, որ մեր նկատմամբ վստահություն լիներ։ Այս մասին այսօր լրագրողների հետ զրույցում ասաց «Հայրենիք» կուսակցության ղեկավար Արթուր Վանեցյանը։ 
«Կարճ ժամանակում մեր կառույցը դարձավ ամենահեղինակավոր կառույցը, մենք շատ մեծ աշխատանք ենք արել, որ երկիրը կայունանա։ 2018 թ-ի սեպտեմբերին ես փորձել եմ մատչելի ներկայացնել, թե ինչու եմ հրաժարական ներկայացրել։ Մենք կարող ենք միտում տեսնել՝ 3 տարվա մեջ 5 ԱԱԾ ղեկավար է փոխվել։ Ես և պարոն Համբարձումյանը հստակ նշել ենք մեր հրաժարականի պատճառը, մյուսները՝ ոչ։ Փորձելով թուլացնել ԱԱԾ-ն՝ այս իշխանությունը փորձել է թուլացնել պետության հիմքերը։ Ինչու հրապարակավ ՝ մենք այլ տարբերակ չունենք»։ 

Հարցին, ինչու երբ հնարավորություն ունեին ձերբակալել որոշ պաշտոնյաներ, ինչու դա չարեցին, Վանեցյանն ասաց, որ դրա մասին անպայման կխոսի, այս պահին ասել, թե ինչու չարեցիք, մենք արել ենք գործողություններ այն անձանց նկատմամբ, ովքեր դրսի շահեր են սպասարկել։ Կա մի մոլորված զանգված, որ դեռ մոլորության մեջ են, երկիրը կործանման տարած, Արցախը թշնամուն հանձնած մարդիկ շարունակում են կառչած մնալ աթոռին քանի որ տարիներ շարունակ մարդիկ մոլորվել են ու շարունակում են մոլորության մեջ մնալ։ Մեր այսօրվա խոսքը նրանց է ուղղված»։