Լավրովը Ծիծեռնակաբերդում ծաղիկներ է խոնարհել․ հաջորդիվ մեկնարկել է հանդիպումը
Ռուսաստանի արտգործնախարար Սերգեյ Լավրովն այսօր այցելել է Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության զոհերի հիշատակին։
«Նախարարը ծաղկեպսակ է դրել Հայոց ցեղասպանության զոհերի հուշակոթողի մոտ և ծաղիկներ խոնարհել անմար կրակի մոտ»,– նշված է հաղորդագրության մեջ: Նա նաև ջրել է իր անվամբ եղևնին, որը տնկել է 2007 թվականին։
Հայաստանի ԱԳ նախարարի պաշտոնակատար Արա Այվազյանն ու Ռուսաստանի ԱԳ նախարար Սերգեյ Լավրովն այժմ միասին ժամանեցին արտգործնախարարության շենք: Մեկնարկել է Արա Այվազյանի և Սերգեյ Լավրովի առանձնազրույցը։
ՌԴ արտգործնախարարը Հայաստան է ժամանել երեկ՝ մայիսի 5-ին։ Այսօր նախատեսվում է նրա հանդիպումն իր հայ գործընկերոջ հետ։ Համատեղ փաստաթղթի ստորագրում է նախատեսվում։
Աշխատանքային այցի շրջանակում հանդիպում է նախատեսված նաև ՀՀ վարչապետի պաշտոնակատար Նիկոլ Փաշինյանի հետ։
Սերգեյ Լավրովը Հայաստանից մեկնելու է Ադրբեջան։
