Թուրքական ֆեսով Փաշինյանի նկարը՝ ԱԺ-ի դռանը. փակցնողը բերման ենթարկվեց
Քիչ առաջ մոտոցիկլետով Բաղրամյան 19 էր ժամանել մի քաղաքացի, որի ձեռքին կային վարչապետ Նիկոլ Փաշինյանի լուսանկարներով թղթեր, Փաշինյանը լուսանկարներում թուրքական ֆեսով էր, փոխանցում է Հրապարակը:
Քաղաքացին դրանցից մի քանիսը հասցրեց փակցնել ԱԺ ընդունարանի փայտե դռանը, ինչից հետո ոստիկանությունը մոտեցավ ու նրան բերման ենթարկեց։
Նշենք, որ սա այսօր տեղի ունեցած նմանատիպ արդեն երկրորդ ակցիան էր, առավոտյան էլ մի խումբ քաղաքացիներ, հիմնականում «Ազատագրում» շարժման անդամներ, փուչիկներ էին բաց թողնում Բաղրամյանում ,որոնց վրա կրկին պատկերված էր վարչապետը։
