Օրվա լրահոս

Այսօր ասում են՝ բռնապետական իշխանություն է ՀՀ-ում հաստատված․ ՀՀ-ում չի կարող բռնապետական իշխանություն լինել, որովհետև 2018-ին մենք մեզ զրկել ենք բռնապետություն լինելու հնարավորությունից։ Այս մասին ԱԺ հատուկ նիստին ամփոփիչ ելույթի ընթացքում հայտարարեց Նիկոլ Փաշինյանը։

«Մենք եթե ուզենայինք, 2018-ին հնարավորություն ունեինք այնպիսի մի բռնապետություն ստեղծել, որ այստեղ ու այստեղից դուրս խոսողները շնչելուց և արտաշնչելուց առաջ թույլտվություն խնդրեին և խոնարհվեին երեք անգամ, նոր շնչեին ու արտաշնչեին։ Մենք մեզ զրկել ենք այդ հնարավորությունից, որովհետև չէինք կարող ուրանալ մեր անցած ճանապարհը։ Մենք կռիվ ենք տվել բոլոր ձախողումների դեմ»,-ասաց Փաշինյանը։ 

Նա նշեց, թե իրենց մեղադրում են, թե չեն հակադարձել տարբեր մեղադրանքերի, հարցնում են՝ ինչու չեն հակադարձել, օրինակ, ԶՈւ ԳՇ պետին, ապա ասաց․ «Երկրի վարչապետը պիտի իր ենթակայի հետ հրապարակային բանավեճի մե՞ջ մտնի, էդ լու՞րջ եք ասում»,-ասաց Փաշինյանը։

Վերջին նորություններ