Պատերազմը ես իմ հոր տնից չեմ բերել. Արուսյակ Ջուլհակյան

Աշխարհի որևէ կետում նման պատերազմ դեռ չէր եղել: Այս մասին լրագրողների հետ զրույցում հայտարարել է իմքայլական պատգամավոր Արուսյակ Ջուլհակյանը՝ խոսելով Արցախյան վերջին պատերազմի մասին:

Պատգամավորը հայտարարել է, որ այդ պատերազմն ինքն իր հոր տնից չի բերել. «Այդ պատերազմում ՀՀ-ն է հայտնվել ու հայտնվել է բավականին հստակ պատճառներով, որովհետև ժամանակին համարձակություն է ունեցել կանգնելու Արցախի եղբայրների կողքին, համարձակություն է ունեցել պնդելու, որ հայ ժողովուրդը կարող է ու պետք է պայքարի իր էքզիստենցիալ իրավունքների, կյանքի համար, որ պետք է պայքարի իր հողում խաղաղ ու արժանապատիվ ապրելու համար»:

Ջուլհակյանը հավելել է, որ պատերազմն ավարտվել է բավականին ծանր պարտությամբ ու ծնկի է իջեցրել հայ ժողովրդին. «Պարզ է, որ մեր ժողովրդի մի մասը, ցավոք, ծանր ապրումներ ունի հիմա ու գուցե հարցեր ունի ապագայի հետ կապված»:

Ամեն դեպքում նա պնդում է, որ Հայաստանն ու Արցախն ունեն ապագա