Մովսես Հակոբյանն ԱԱԾ-ում հարցաքննվել է․ առաջադրվել է մեղադրանք
ԶՈւ գլխավոր շտաբի նախկին պետ, գեներալ-գնդապետ Մովսես Հակոբյանն Ազգային անվտանգության ծառայությունում հարցաքննվել է, որից հետո նրան մեղադրանք է առաջադրվել։ Auroranews-ի հետ զրույցում Հակոբյանը մանրամասնեց, որ մեղադրանքն առաջադրվել է ՀՀ ՔՕ 306-րդ հոդվածի հատկանիշներով՝ իր կողմից նախկինում արված հայտարարություններում պետական գաղտնիք պարունակող տեղեկություններ հրապարակելու համար։
Այն հարցին, թե երբ է կանչվել հարցաքննության՝ պատասխանեց, թե չի հիշում։ Նույն կերպ խուսափողական պատասխանեց նաև այն ճշգրտող հարցին, թե կոնկրետ որ տեղեկությունն է համարվել պետական գաղտնիքի հրապարակում։
