Նոր նախաձեռնություններ՝ առևտրի աճի, Հայաստանի հետ փոխադարձ ներդրումների ավելացման ուղղությամբ. Միշուստինը՝ Փաշինյանին

ՌԴ վարչապետ Միխայիլ Միշուստինը ՀՀ վարչապետի պաշտոնակատար Նիկոլ Փաշինյանի հետ հանդիպման ժամանակ ողջույններ է փոխանցել Ռուսաստանի Դաշնության նախագահ Վլադիմիր Պուտինի անունից։ Այս մասին հաղորդում է «Ինտերֆաքս»-ը: 

«Առաջին հերթին կցանկանայի ձեզ փոխանցել ջերմ ողջույններ և բարեմաղթանքներ Ռուսաստանի նախագահ Վլադիմիր Վլադիմիրի Պուտինի անունից», - ասել է Միշուստինը։ 

ՌԴ վարչապետը նշել է, որ Լեռնային Ղարաբաղում ռազմական գործողությունների ավարտից հետո Հայաստանի, Ադրբեջանի և Ռուսաստանի ղեկավարների ընդունած հայտարարությունը մեծ հնարավորություններ են ստեղծում համատեղ աշխատանքի համար: 

«Դա առաջին հերթին տնտեսական և տրանսպորտային բոլոր կապերի ապաշրջափակումն է, նոր ենթակառուցվածքային ուղիների ստեղծումը: Այս ամենը պայմաններ կստեղծի տարածաշրջանի կայուն զարգացման համար», - նշել է նա: 

Բացի այդ, Ռուսաստանի վարչապետնն առաջարկել է միջկառավարական հանձնաժողովին նախապատրաստել Ռուսաստանի և Հայաստանի միջև առևտրի աճի և փոխադարձ ներդրումների ավելացման համար նոր նախաձեռնություններ: 

Միշուստինի խոսքով՝ կորոնավիրուսն ազդել է երկկողմ առևտրի դինամիկայի վրա. նախորդ տարի համատեղ ապրանքաշրջանառությունը նվազել է մոտ 10%-ով և կազմել շուրջ $2.3 մլրդ: 

«Այս իրավիճակը ձեռնատու չէ: Ես առաջարկում եմ հանձնարարել մեր միջկառավարական հանձնաժողովին նախապատրաստել նոր նախաձեռնություններ՝ առևտրի աճի, Հայաստանի հետ փոխադարձ ներդրումների ավելացման ուղղությամբ», - շեշտել է ՌԴ վարչապետը: