Տեղեկությունը չի համապատասխանում իրականությանը. խոսնակը՝ սոցապ նախարարությունում փտող օգնության մասին

«Սոցապ նախարարությունը արցախցիներին տրված օգնությունը փտեցնում է նկուղներում» վերտառությամբ Yerevan.Today-ի հրապարակումը չի համապատասխանում իրականությանը: Այս մասին Auroranews-ի հետ զրույցում ասաց Աշխատանքի և սոցիալական հարցերի նախարարության մամուլի պատասխանատու Զառա Մանուչարյանը: 

«Օգնության և՛ ընդունումը, և՛ բաշխումը ըստ ընթացակարգերի է լինում ՝ պարտադիր պահանջներին համապատասխան: Այս պահին մեր կողմից ստացած հումանիրտար օգնությունից պահեստավորված են միայն որոշ խմբաքանակով սայլակ, քայլակ աջակցող այլ միջոցներ: Քանի որ հիմնականում սակայների ու քայլակների խմբաքանակ ունենք պահեստավորված:  Այդ աջակցող միջոցները բոլորին է տրամադրված:  Մենք ունենք ընթացակարգ, որ պետք է օրինակ՝ հաշմանդամության խումբ ունենալու կամ չունենալու դեպքում տանք հավաստագիր և  հավասագրի հիման վրա քաղաքացին կարողանա մոտենալ ու ստանալ աջակցող միջոց, բաց բացի այդ պարտադիր ընթացակարգերից, բոլոր նրանք ովքեր ունեն աջակցող միջոցի կարիք, սակայն չունեն հաշմանդամության խումբ իրենց ևս նախարարությունը ապահովում է աջակցող միջոցով ՝ սայլակներ, քայլակներ, հենակներ, ցանկացաշ այլ հարմարանքներ»,-ասաց խոսնակը: 

Ըստ Մանուչարյանի՝ գործընթացը իրականացվում է Սոցապ նախարարության վերահսկողությամբ գործող բարեկգործական պահեստեներում պահեստավորված միջոցների հաշվին, որոնք ամեն ամիս ըստ նախարարության կողմից ստացված հայտերի բաշխվում են անհրաժեշտություն ունեցող քաղաքացիներին: 

«Բնականաբար սայլակի տրամադրումը ինքնանպատակ չէ և դրանք տրամադրվում են ըստ կարիքի,- ասաց Մանուչարյանը: 

Հիշեցնենք, որ Yerevan.Today-ը հրապարակում էր կատարել, որում նշվում է, որ  նախկին սոցապ նախարար Մեսրոպ առաքելյանը տարաձայնություններ է ունեցել մի շարք միջազգային կազմակերպությունների հետ: 

Ըստ հարապարակման՝ պատճառը սոցապի նկուղներում փտող միլիոնավոր դոլարի օգնությունն է, որն հանգանակվել էր վերջիններիս կողմից, բայց Մեսրոպ Առաքելյանի թեթև ձեռամբ այդպես էլ տեղ չի հասել:

Մինչդեռ օգնությունը հանգանակվել էր հրատապ կարգով՝ 44- օրյա պատերազմի ընթացքում, որպեսզի բաժանվեր Արցախից տարհանված բնակչությանն ու հաշմանդամ դարձած զինծառայողներին: Լրատվամիջոցին հայտնի է դարձել նկուղներում փտող օգնության ծավալն ու  անվանացանկը: 

Խոսքը ավելի քան 32 միլիոն դրամի արժողության օգնության մասին է՝ ներքնակ, վերմակ, մահճակալներ,  քայլակներ, սայլակներ ձեռնափայտեր, հաշմանդամների համար նախատեսված հատուկ լոգանքի աթոռներ, հիգիենայի պարագաներ, ծածկոցներ  և այլն: