Արթուր Վանեցյանը հրավիրվել է հարցաքննության
Ազգային անվտանգության ծառայության նախկին տնօրեն, «Հայրենիք» կուսակցության առաջնորդ Արթուր Վանեցյանին հարցաքննության են հրավիրել ՀՀ քննչական կոմիտեի զինվորական քննչական վարչություն: Այս տեղեկությունը NEWS․am-ին հաստատեց Արթուր Վանեցյանի փաստաբան Լուսինե Սահակյանը։
Փաստաբանը հայտնեց, որ Արթուր Վանեցյանը հրավիրվել է՝ նյութերի նախապատրաստման շրջանակներում բացատրություն տալու՝ կապված ենթադրյալ, իբր, դասալքության հետ։
Լուսինե Սահակյանը չմանրամասնեց, թե ինչ բացատրություն է տվել Վանեցյանը. «Այդ դեպքի առկայությունը հերքվել է»։
«Շուշիի դիրքերը լքելու մասով հրապարակային կերպով հերքում է եղել անձանց կողմից, որոնք տեղյակ են եղել՝ նման դեպք եղե՞լ է, թե ոչ։ Ակնհայտ է, որ սա քաղաքական հետապնդման շարունակությունն է եւ, եթե իրավական գործընթաց սկսվի, քրեական գործի հարուցումը պետք է մերժվի»,- նշեց փաստաբան Սահակյանը։
