Եկեղեցին նպատակահարմար չի համարել վարչապետի հետ այցելել Ծիծեռնակաբերդ. Շիրակի թեմի առաջնորդ
ՀՀ վարչապետն ու Վեհափառը` Ամենայն Հայոց կաթողիկոս Գարեգին Բ-ն, Ցեղասպանության զոհերի հուշահամալիր` Ծիծեռնակաբերդ,մեկը մյուսից առանձին այցելեցին այս ապրիլի 24-ին։
Հասարակության մեջ ակտիվ քննարկումներ եղան այս թեմայով։
ArmDaily.am-ի հետ զրույցում Շիրակի թեմի առաջնորդ Միքայել Աջապահյանն ասաց, որ Սովետական Միության ժամանակ հոգևոր և քաղաքական իշխանությունները ևս առանձին էին այցելում Ծիծեռնակաբերդ։
Ինչ վերաբերում է այս միջադեպին, Աջապահյանն ասաց, որ Երրորդ Հանրապետության ժամանակ առաջին անգամն է, որ հոգևոր իշխանությունը աշխարհիկից առանձին է հարգել Ցեղասպանության նահատակների հիշատակը։
Անդրադառնալով այս ապրիլի 24-ին Վեհափառի և վարչապետի առանձին այցելությունների, Սրբազանն ասաց. «Եկեղեցին նպատակահարմար չի համարել և գնացել է առանձին։ Դա այնքան է, որքան ես գիտեմ`ավելին չգիտեմ»։
