Նիկոլ Փաշինյանը վաղը կմեկնի Կազան
Ապրիլի 29-ին եւ 30-ին Կազանում տեղի կունենա Եվրասիական միջկառավարական խորհրդի առերես հանդիպում՝ Եվրասիական տնտեսական միության պետությունների եւ ԵԱՏՄ դիտորդ պետությունների՝ Մոլդովայի, Կուբայի եւ Ուզբեկստանի կառավարությունների ղեկավարների մասնակցությամբ:
Այս մասին տեղեկացնում է Եվրասիական տնտեսական հանձնաժողովի պաշտոնական կայքը:
Այս նիստին ըստ ամենայնի կմասնակցի նաեւ ՀՀ վարչապետի պաշտոնակատար Նիկոլ Փաշինյանը եւ հենց այդ պատճառով էլ կառավարության վաղվա նիստը կսկսվի մեկ ժամ շուտ:
Նշենք, որ ավելի վաղ RBC-ն, հղում անելով իր աղբյուրներին, գրել էր, թե Եվրասիական տնտեսական միության երկրները քննարկում են ապրիլի 29-30-ը Կազանում կայանալիք ԵԱՏՄ միջկառավարական խորհրդի նիստին ադրբեջանական պատվիրակության հնարավոր մասնակցությունը։ Կազմակերպության կանոնների համաձայն՝ նման մասնակցության համար պարտադիր է ԵԱՏՄ անդամ բոլոր պետությունների, այսինքն՝ նաեւ Հայաստանի համաձայնությունը։
