ԼՂ հակամարտության կարգավորման մասով ԵԱՀԿ ՄԽ-ից բացի, այլ ձևաչափ չի քննարկվում. ԱԳ փոխնախարար Ավետ Ադոնց
Արցախյան հիմնախնդրի կարգավորման մասով ԵԱՀԿ Մինսկի խմբից և համանախագահությունից բացի, որևէ այլ ձևաչափ մենք չենք քննարկում, Ծիծեռնակաբերդի հուշահամալիրում լրագրողների հետ զրույցում ասաց ԱԳ փոխնախարար Ավետ Ադոնցը:
Նա նաև նշեց, որ Մինսկի խմբի հետ աշխատանքներ իրականացվում են: «Ուզում եմ հավատալ, որ դրանք շուտով կդառնան տեսանելի», - ասաց Ադոնցը:
Հայաստանի և Թուրքիայի միջև ներկայում որևէ երկխոսություն չկա, զրո մակարդակի հարաբերություններ են, Ծիծեռնակաբերդի հուշահամալիրում լրագրողների հետ զրույցում ասաց ԱԳ փոխնախարար Ավետ Ադոնցը:
Փոխնախարարը բարձրաձայնեց, որ պաշտոնական Երևանի դիրքորշումը նույնն է՝ Թուրքիայի հետ հարաբերությունները կագավորելու գործընթացը պատրաստ ենք սկսել առանց որևէ նախապայմանի:
Ադոնցի խոսքով՝ նախապայմանները ներկայացվում են միայն թուրքական կողմից: Երկու հիմնական նախապայման կա, որոնք վերաբերում են ԼՂ հակամարտությանն ու Ցեղասպանությանը:
«ԼՂ հարցի կարգավորումը թուրքական կողմից մնում է որպես նախապայման: Դետալների մեջ չգնամ և փորձենք խուսափել, թե որ սեգմենտին են վերաբերում այս պայմանները», - ասաց փոխնախարարը՝ ընդգծելով, որ մեզ համար որևէ նախապայման ընդունելի չէ:
