Ալիևը հետաքրքրվել է, թե որտեղից Հայաստանին «Իսկանդեր-Մ» հրթիռները
Ադրբեջանի նախագահ Իլհամ Ալիեւը հետաքրքրվել է, թե որտեղից են Հայաստանում հայտնվել «Իսկանդեր-Մ» հրթիռները:
Բաքուն պնդում է, որ 44-օրյա պատերազմի ընթացքում «Իսկանդերներն» օգտագործվել են Շուշիի ուղղությամբ: Թեեւ ավելի վաղ Ալիեւը պնդում էր, որ «Իսկանդերներ» չեն կիրառվել:
«Ահա ապացույցը: Որտեղի՞ց Հայաստանին այդ հրթիռները... Մենք պատասխան ենք ուզում եւ կստանանք այն... Մենք սպասում ենք պաշտոնական պատասխանի... Որտեղի՞ց Հայաստանում հայտնվեցին այդ հրթիռները: Նրանք չպետք է ունենային դրանք: Մենք ուզում ենք այն հարցի պատասխանը, թե ինչպես է այս մահաբեր զենքն ընկել հայերի ձեռքը: Առայժմ մենք այս հարցի պատասխանը չենք ստացել, բայց կստանանք»,- Ալիեւին է մեջբերում «ՌԻԱ Նովոստին»:
