Ես չեմ կարող Թուրքիային համարել բարեկամ երկիր. Ալեն Սիմոնյան
Ազգային ժողովի փոխնախագահ Ալեն Սիմոնյանը Թուրքիային բարեկամ երկիր չի համարում։
«Երևանը մշտապես պատրաստ է եղել առանց նախապայմանների երկխոսություն սկսելու, դրա վառ ապացույցներից եղել է թե ֆուտբոլային դիվանագիտությունը, թե, երբ արտգործնախարար Նալբանդյանը ամբոխի միջով շարժվում էր ու փորձում էր Էրդողանին թուղթ փոխանցել։ ՀՀ ռազմավարական դաշնակիցը Ռուսաստաննն է», - «Ազատության» եթերում ասել է Սիմոնյանը՝ պատասխանելով հարցին՝ Երևանը պե՞տք է երկխոսություն սկսի Անկարայի հետ։
Նա ընդգծել է՝ անձնապես Թուրքիային բարեկամ երկիր չի համարում։
«Ես չեմ կարող Թուրքիային համարել բարեկամ երկիր, քանի դեռ ինքը չի ապացուցել իր բարեկամ լինելը», - ասել է նա։
Հարցին՝ թշնամի կանվանեի՞ք, պատասխանել է. «Հաստատ բարեկամ չէ»։
