Օրվա լրահոս

2018 թվականի օգոստոսի 9-ին ազգակցական կապերով աշխատանքի տեղավորելու երևույթը քննադատող Նիկոլ Փաշինյանը այսօր Իջևանի քաղաքապետի ժամանակավոր պաշտոնակատար Հայկ Ղալումյանին կառավարության որոշմամբ նշանակեց Տավուշի մարզպետ: Շրջանառվող լուրերի համաձայն՝ նորանշանակ մարզպետը վարչապետի քավորն է:

Հայկ Ղալումյանը մոտ երկու տարի ղեկավարել է Իջևան քաղաքը, որի ընթացքում այդպես էլ ընտրություն տեղի չի ունեցել, մինչդեռ բնակիչների կողմից ընտրված նախկին քաղաքապետ Վարդան Ղալումյանին քրեական գործերի սպառնալիքների հիմքով գործող իշխանությունը հեռացրեց այդ պաշտոնից:

Հայկ Ղալումյանի եղբայրը ԱԺ «Իմ քայլը» խմբակցության պատգամավոր Վահե Ղալումյանն է, որն իշխանափոխությունից հետո՝ 2018-ի հունիսի 1-ից մինչև 2019-ի հունվարի 10-ը նույնպես եղել է Տավուշի մարզպետի պաշտոնին։ Նա նաև Ազգային ժողովում տեղի ունեցած հայտնի ծեծկռտուքի մասնակիցներից մեկն էր:

Ընդդիմադիր Նիկոլ Փաշինյանը հակասեց վարչապետ Նիկոլ Փաշինյանին. երկրի ղեկավարի պաշտոնը ստանձնելուց հետո՝ իշխանության եկան նաև ընտանիքի անդամները. աներձագը՝ Հրաչյա Հակոբյանը և եղբորորդին՝ Սիփան Փաշինյանը «Իմ քայլը» խմբակցության պատգամավոր են: Հանրապետության ոստիկանապետի պաշտոնն այժմ զբաղեցնում է Փաշինյանի մանկության ընկեր՝ ծնունդով Տավուշից Վահե Ղազարյանը:

Վերջին նորություններ