Մարդիկ կարող են կենդանիներին վարակել կորոնավիրուսով․ ԱՀԿ

Չնայած այն հանգամանքին, որ կորոնավիրուսը հիմնականում փոխանցվում է մարդուց մարդուն, մարդկանցից կենդանիների վարակման մասին վկայություններ կան: Նման դեպքերի մասին խոսել է Ռուսաստանում ԱՀԿ ներկայացուցիչ Մելիտա Վույնովիչը:

«Մի քանի կենդանիներ (ջրաքիսներ, շներ, տնային կատուներ, առյուծներ, վագրեր և ջրարջեր), որոնք շփվել են վարակված անձանց հետ, ունեցել են կորոնավիրուսի թեստի դրական արդյունք: Այլ կենդանիների տեսակների վրա վիրուսի ազդեցությունն ուսումնասիրելու գործընթացն ընթացքի մեջ է»,-ասել է Վույնովիչը։

Նրա խոսքերով, կարևոր է հասկանալ, թե կենդանիների որ տեսակներն են առավել խոցելի՝ հետագայում հիվանդության կրկնվող բռնկումներից խուսափելու համար: